ნათია ახვლედიანი – დირექტორი
ნათია “ექსპლორიუმის” დირექტორია. მას დამთავრებული აქვს თბილისის სახელმწიფო უნივერსიტეტი (ბიოფიზიკის მაგისტრი) და წლების განმავლობაში მუშაობდა ფინანსურ სექტორში. შემდეგ საგანმანათლებლო სფეროში გადმოინაცვლა და გახდა მასწავლებელი.
ნათია მასწავლებლად მუშაობის დროს განსაკუთრებით დაინტერესდა საგანმანათლებლო ტექნოლოგიებით და სწავლა ბრისტოლის უნივერსიტეტში განაგრძო (ჩივნინგის სტიპენდია), სადაც მიენიჭა განათლების მეცნიერების მაგისტრის ხარისხი (ტექნოლოგიები, სწავლება და საზოგადოება). ასევე დამთავრებული აქვს ტარტუს უნივერსიტეტი (განათლების მაგისტრი საგანმანათლებლო ტექნოლოგიების მიმართულებით, ტარტუს უნივერსიტეტის სტიპენდია). სხვადასხვა დროს უმუშავია ფიზიკის, ბუნებისმეტყველებისა და პროგრამირების პედაგოგად.
ნათიას ინტერესის სფეროა საგანმანათლებლო ტექნოლოგიები.
გიორგი ლომსაძე – დამფუძნებელი
ციფრული ჰუმანიტარი, განათლების სპეციალისტი. 2016 წლიდან არის გოეთეს ფრანკფურტის უნივერსიტეტის კონტრაქტორი ხელნაწერთა გაციფრულების მიმართულებით. 2019 წლიდან მუშაობს განათლების, მეცნიერების, კულტურისა და სპორტის სამინისტროში პროექტის რედაქტორად და ავტორთა ჯგუფის ხელმძღვანელად (https://school.emis.ge/). 2020 წლიდან არის ევრო კომისიის პროექტის (SELFIE TOOL) ნაციონალური კოორდინატორი საშუალო განათლების მიმართულებით.
მარი მელიქიშვილი – ვიზუალური პროგრამირების ლექტორი
მარი კომპიუტერული მეცნიერებების მაგისტრია. მუშაობს GIPA – საქართველოს საზოგადოებრივ საქმეთა ინსტიტუტში ასისტენტ-პროფესორად; ნიუტონის თავისუფალ სკოლაში პროგრამირებისა და რობოტიკის მასწავლებელი და ამავე მიმართულების ხელმძღვანელია. სხვადასხვა დროს თანამშრომლობდა განათლების და მეცნიერების სამინისტროსთან ელექტრონული რესურსების შესაქმნელად მიწვეულ სპეციალისტად და განათლების მართვის საინფორმაციო სისტემაში (EMIS) ინფორმაციული და საკომუნიკაციო ტექნოლოგიების ექსპერტად. უძღვებოდა IOS კურსს GeoLab-ში. ამის პარალელურად, არის Freelancer ვებ-დეველოპერი.
ფლობს: C sharp, ASP.NET, MVC, SQL, HTML, CSS, iOS, SWIFT,
მარის ინტერესის სფეროებია მათემატიკა და ლოგიკა.
ანი ხარშილაძე – ვიზუალური პროგრამირების ლექტორი/მენეჯერი
2019 წელს დაამთავრა ფიზიკა-მათემატიკური სკოლა, დღეს არის საქართველოს საზოგადოებრივ საქმეთა ინსტიტუტის (GIPA) ციფრული მედიისა და კომუნიკაციის სტუდენტი. მუშაობდა სტაჟიორად TV4-ში ჟურნალისტის პოზიციაზე. 2022 წლიდან საგანმანათლებლო სივრცე “FlowMaster/ფლომასტერის” კომუნიკაციების მენეჯერი, პროდუსერი და ქონთენთ მეიქერია.
ტექნოლოგიების სასკოლო ლაბორატორია “ექსპლორიუმში” დაფუძნების დღიდან მუშაობს.
ინტერესის სფეროებია: უცხო ენების შესწავლა, ფოტოგრაფია, პროგრამირება, სხვადასხვა ციფრული ტექნოლოგია, ვიდეო გრაფიკა, მონტაჟი და ინტერფეისის დიზაინი.
თამთა ასათიანი – თამაშების პროგრამირების Unity ლექტორი
თამთა ასათიანი Game Developer-ია. სწავლობს ბიზნესისა და ტექნოლოგიების უნივერსიტეტში(BTU). მუშაობს კომპანია Bonsters-ში Game დეველოპერად და Game დიზაინერად. თამთა Game დეველოპმენტს Unity-თ ასწავლიდა GeoLab-ში.
კომპიუტერულ თამაშებზე 15 წლიდან მუშაობს და ამ დროის განმავლობაში, მონაწილეობდა მრავალი თამაშის შექმნასა და საქართველოს განათლების სამინისტროს სხვადასხვა პროექტში.
ინტერესის სფეროა კომპიუტერული თამაშები, განსაკუთრებით კარგი და ორიგინალური გეიმ დიზაინით.
გვანცა მანთაშაშვილი – ვიზუალური პროგრამირების ლექტორი
გვანცა კავკასიის უნივერსიტეტის ტექნოლოგიების სკოლის კომპიუტერული მეცნიერების სტუდენტია (100%-იანი სახელმწიფო გრანტით), ასევე არის თი-ბი-სი-ს სტიპენდიატი. მუშაობდა სკოლაში კომპიუტერული ტექნოლოგიების მასწავლებლად. ამჟამად კი ,,კოდინგის სკოლა 1500 ქალისთვის“ პროექტის ფარგლებში (back-end development) Python კურსის წევრია.
ფლობს: HTML/CSS/JAVASCRIPT, SQL, Python, Django/REST framework
გვანცას ინტერესის სფერო ტექნოლოგიებია და თავისუფალ დროს ტექნოლოგიური სიახლეების გაცნობას უთმობს.
რევი ყურაშვილი – WordPress-ის კურსის ლექტორი
რევი დაახლოებით 15 წლის იყო, როდესაც ვებ პროგრამირებით დაინტერესდა და DLE-ს (DataLife Engine) და Joomla-ს გამოყენებით საიტების აწყობა დაიწყო. ამ დროს უკვე კარგად ერკვეოდა IT სფეროში, რაც ინტერნეტში ინფორმაციის მოძიებით ისწავლა. ინფორმაციისა და პრობლემების გადაჭრის გზების დამოუკიდებლად მოძიების უნარი საიტების აწყობის სწავლაშიც დაეხმარა.
რამდენიმე წლის განმავლობაში, სხვა პროფესიით მუშაობდა და საიტების აწყობას ჩამოშორდა, მაგრამ, საბოლოოდ, ისევ ამ სფეროში დაბრუნდა.
დღეს თვითნასწავლი WordPress დეველოპერია და, ძირითადად, ფრილანსერად მუშაობს. პარალელურად, WordPress-ის კურსს უძღვება GeoLab-სა და UniLab-ში.
ნიკა ყოჩიაშვილი – ვიზუალური პროგრამირების ლექტორი
ნიკამ დაამთავრა საქართველოს საავიაციო უნივერსიტეტის საბაკალავრო პროგრამა (ინფორმაციული სისტემები ავიაციაში). Შემდეგ კი სწავლა საქარველოს უნივერსიტეტში განაგრძო სამაგისტრო პროგრამაზე (ინფორმაციული ტექნოლოგიების მენეჯმენტი). აქტიურად მონაწილეობდა საუნივერსიტეტო კონფერენციებში და პრაქტიკულ სწავლებებში. მუშაობდა ვიდეო ედითორის პოზიციაზე ქვემო ქართლის ტელევიზიაში, ამავე მიმართულებით უმუშავია პროექტებზე ექსპლორიუმში. იყო საქართველოს საზოგადოებრივ საქმეთა ინსტიტუტის (GIPA) ინფორმაციული ტექნოლოგიების სპეციალისტი, ახლა კი BDO-ს 1C ტექნიკური დახმარების სპეციალისტია და მუშაობს მფრილანსერად ვიდეო ედითინგის მიმართულებით.
ფლობს: HTML, CSS, Premiere Pro, JavaScript.
ნინი მერაბიშვილი – ვიზუალური პროგრამირების ლექტორი
ნინი შავი ზღვის საერთაშორისო უნივერსიტეტის კომპიუტერული მეცნიერების საბაკალავრო პროგრამის სტუდენტია. ციფრული სფეროთი ჯერ კიდევ სკოლის ასაკიდან დაინტერესდა და 16 წლიდან ფრილანსერ გრაფიკულ დიზაინერად მუშაობს. ექსპლორიუმის გუნდთან თანამშრომლობა როგორც სტაჟიორმა ისე დაიწყო, შემდეგ კი გახდა ტრენერი და ვიზუალური პროგრამირების ლექტორი. პარალელურად, Ნინი აქტიურად მუშაობს პრაქტიკულ პროექტებზე Front-End და Back-End დეველოპმენტის მიმართულებით.
ფლობს: Angular, C++, Java, HTML, CSS.
ნინის ინტერესის სფეროებია: მათემატიკა, სპორტი და მუსიკა.
ელენე სებისკვერაძე – ვიზუალური პროგრამირების ლექტორი
ელენე სწავლობდა ილიას სახელმწიფო უნივერსიტეტში (გრაფიკული დიზაინი). ამჟამად მუშაობს ნიუტონის თავისუფალ სკოლაში ინფორმაციული ტექნოლოგიების და რობოტიკის მასწავლებლად. ასევე ასწავლის ელექტრო ინჟინერიას.
ფლობს: Adobe Photoshop, Adobe Illustrator, Python basics.
ელენეს ინტერესის სფეროებია: მოგზაურობა, ფოტო-ვიდეო გადაღება, მონტაჟი, სპორტი და ხატვა.